Félagsheimilið og sundlaug að Hlöðum

Félagsheimilið og sundlaugin að Hlöðum  Hvalfjarðarströnd

GPS punktar N64° 24' 38.863" W21° 36' 31.909"

Sundlaugin að Hlöðum, Hvalfjarðarströnd

Sundlaugin verður opin frá 2. júní -27. ágúst 2017

Virka daga frá kl. 14:00 til 21:00
Helgar (laugardaga og sunnudaga) frá kl. 10:00 til 18:00

Sundlaugin er austan við félagsheimilið Hlaðir og eru búningsklefar og vatnsgufubað í kjallara.

Sundlaugin er 16,67 x 8 metrar og við hana er einnig barnavaðlaug með rennibraut og tveir heitir pottar.

Sími á Hlöðum: 433 8980

 

The swimming pool at Hlaðir, Hvalfjarðarströnd

Summer opening from 2. june - 27.  august 2017

Monday to friday 14:00-21:00

Saturday and sunday 10:00-18:00

The swimming pool is located east of Hlaðir clubhouse and there are changing rooms and a water slide in the basement.

The swimming pool is 16.67 x 8 meters and there is also a children's pool with a toboggan and two hot tubs.

 

 

Hernámssetrið að Hlöðum.

Hernámssetrið að Hlöðum er rólegur og fallegur staður við norðanverðan Hvalfjörð, um 45 mín akstur frá Reykjavík  og 20 mín akstur frá Akranesi. 

Á Hernámssetrinu er rakin einstök og merkileg saga hernáms á árunum 1940 til 1945, saga sem breytti friðsælli sveit í umgjörð heimsviðburða og skipti sköpum fyrir sigur bandamanna í síðari heimsstyrjöld.

Þar getur að líta vandað safn minja og minninga sem tengjast sögu hernáms í Hvalfirði á þessum örlagaríku umrótatímum.

Hernámssetrið rekur sögu hersetunnar og skipalestanna, sem lögðu upp í langa og erfiða siglingu frá bækistöðinni í Hvalfirði, og gefur innlendum og erlendum ferðamönnum kost á að kynna sér þessa sögu og arfleifð hennar.

Hernámssetrið að Hlöðum er með góðum veislusal/danssal sem tekur allt að 150 manns í sæti og hentar vel fyrir árshátíðir, veislur, ættarmót, fyrirtækjadaga, fundi, ráðstefnur, leiksýningar, tónlistarviðburði, handverksmarkaði, fyrirlestra, kynningar, og margt fleira. 

Salurinn er með stóru sviði og tjöldum, fallegum bar og rúmgóðu eldhúsi sem er vel tækjum búið. Félagsheimilið er leigt út allt árið.

Tjaldsvæði að Hlöðum

Að Hlöðum er stórt tjaldstæði fyrir tjöld, hjólhýsi, fellihýsi og tjaldvagna. Sér aðstaða fyrir tæmingu salerna frá húsbílum og tjaldvögnum.

Annað

Margir þekktir staðir eru í nágrenninu svo sem Glymur í Botnsá, Harðarhólmi, Geirshólmi, Hallgrímskirkja í Saurbæ, Hallgrímssteinn, Vatnaskógur, Hvalstöðin og gönguleiðirnar um Síldarmannagötur og Leggjarbrjót. Stutt er í veiði, golf, kirkju og  hótel.

 

Upplýsingar fást hjá staðarhaldara:

Guðjóni Sigmundssyni síma: 660 8585

Félagsheimilið Hlaðir sími: 433 8877

 

Heimasíða: www.hladir.is - Netfang: gaui@gauilitli.is

 

 


Þarfnast þessi síða lagfæringar?

Svo hægt sé að hafa samband við þig.
By submitting this form, you accept the Mollom privacy policy.